Kjósum rétt!

Á morgun gengur íslenska þjóðin til kosninga því hún ætlar að velja sér nýjan forseta. Ég er enn að velta fyrir mér hver verður fyrir valinu hjá mér, kostirnir eru margir, góðir. 

En það sem mér þykir leiðinlegt að heyra af og lesa um er að fólk sé að hugsa um að kjósa einhvern til þess að koma í veg fyrir að annar nái kjöri. Persónulega þykir mér það afar rangt. Að mínu mati á hver og einn að kjósa rétt, samkvæmt eigin sannfæringu en ekki af því að einhver annar segir eða gerir eitthvað. 

Kosningarétturinn er einn dýrmætasti réttur sem við eigum og því má ekki misnota hann. Það er ekki sjálfgefið að hafa rétt til að velja. Svo kjósum rétt, samkvæmt eigin skoðun og samvisku.